Zerbitzu honen bidez zure eskura jarri nahi dugu eskolari buruzko informazioa: ezaugarriak, antolamendua, proiektuak eta ekintzak... Atalez atal antolatua, hezkuntza komunitateko partaide guztiontzat benetan baliagarria izatea nahi genuke; praktikoa eta behar den bezala gaurkotua, eskolari buruz dugun ezaupidea hobetzea du helburu. Era berean, zure ekarpenak egiteko bidea erraztu nahi dugu.

Baina gure lana ez da hemen agertzen denera mugatzen; ezinezkoa izango litzateke Samaniegoko jarduera guztiak hitzen eta irudien bidez horrela irudikatzea.

Horregatik, hona gure proposamena: webgune honi noizbehinka bisitatxo bat egitera animatu, baina ez ahaztu zure betiko partaidetzarekin ere kontatzen dugula: bileretan, batzordeetan, eskolako jaialdian, literatur astean, krosean eta mendi irteeretan... orain arte bezala.

Gure artean berria bazara, berriz, hemen agertzen dena gu ezagutzeko baliagarria izatea espero dugu.